तुमची माझी
अहो..
तुमची माझी संगत जमली
राया तुमच्या मिठीत कळी उमलली
वाट कितीक पाहीली थकलं डोळं
आज उशीरा का येनं केलं?
रुजूवात कराया मोहोर उठवा गाली
तुमच्या मिठीत कळी उमलली
सजवून काया माझी मी नखरा केला
जवळ घेता तुम्ही गोड गुन्हा झाला
नजरेचा तिर मारता अंगी वीज चमकली
तुमच्या मिठीत कळी उमलली
कमरपट्टा उगा का मला रुतू लागला?
शालू अवजड का झाला आज अंगाला?
चोळी ऐन्याची नको तिथं उसवली
तुमच्या मिठीत कळी उमलली
- पाषाणभेद
१६/११/२०११
No comments:
Post a Comment